Thursday, 29 December 2016

ফুলা সৰিয়হঃ

ফুলা সৰিয়হ দেখি মাতাল
নহ'বি অ' কবি
গায়ে-মূৰে হালধীয়া ঘঁহি
মাতাল নহ'বি হালধীয়া ৰাগীত ৷
যোৱাটো বানত উটি গ'ল ধান
নৈৰ ঘোলাপানী খাই হালধীয়া ৰোগত
ঢুকাল পিতাই ৷

হালধীয়াৰ প্ৰেমত পৰিবলৈ
আমি সৰিয়হ নিসিঁছো
ৰিঃবৃগাচেঙত হালধীয়া বুটা বাচিলেও
হালধীয়াৰে সজাব নোখোজো জীৱন

জোনাকোতো হালধীয়া
যি জোনাকী ৰাতি কাতৰ হয়
কুমুদৰ কৰুণ চিফুঙত
কাংকানৰ বুকুত নোপোৱাৰ জুই জ্বলে
সেই জোনাক ৰাতি ৷

হালধীয়াৰ প্ৰেমত পাগল নহ'বি অ' কবি
পকা পাতো চোন হালধীয়া
যি সৰিপৰে
বৰ নিৰৱে ৷
- বিনয় 29/12/2016

No comments:

Post a Comment

শেষ দৃশ্য - বিনয় কৃষ্ণ তামুলী ফুকন । বেৰত ঢেপেলা মুখীয়া মানুহজনৰ ফটোখন ওলমি আছে। বিষ্ণু ৰাভা তেওঁৰ নাম। ফটোখনৰ ফ্ৰেমটো ঘূণ পোকে ...