Friday, 2 June 2017

-গোপন সত্য-

সূৰ্যটোৰ সিপাৰে থাকিব পাৰে
দূৰ্ঘোৰ তমসা ৷
পৰ্বতটোৰ সিপাৰে
পোতা পুখুৰী ৷
জোনতো থাকে কলংক ৷
নীলাভ সাগৰৰ জলৰাশিৰ
গোপনত অক্টোপাচ ৷
হুলৰ মাজতে ফুলে
নান্দনিক ফুল ৷
ৰঙা তেজৰ তলত
লুকাই থাকিব পাৰে
ক'লা কৰ্কটৰ বীজ ৷
হাঁহিৰ সিপাৰে থাকিব পাৰে
দুখৰ অভিসাৰীকা
যাৰ স'তে আলিংগনৰ কথা
ক'ব নোৱাৰি কাকো ৷
বুকুত শিল থৈ
বৰ সহজে কৈ দিব পাৰি
কুশলে আছো ৷

No comments:

Post a Comment

প্ৰিমিয়াৰ শ্বো

সৰু গল্প প্ৰিমিয়াৰ শ্বো "তুমি আহিব নালাগে অৰ্ণৱ। মই এই শুভ মূহুৰ্তটোত তোমাক চাব নোখোজোঁ। শুভ কামটোত তুমি বিধি পথালি নিদিবা।"...