Saturday, 1 July 2017



জোনলৈ

এই জোন
শুনচোন
ৰৈ যা এখন্তেক মোৰ চোতালত
মোৰো আছে তোক কাষত পোৱাৰ
তামুলী তৰাৰ সপোন ৷

জোন
থ তোৰ অভিমান ভেম
তোৰ বুকুৰ তুলসী জোপাত
চৰিবহি জানো
সোণৰ হৰিণ?

জোন
ৰৈ যা
কৈ যা বুকুৰ ব্যেথা
দি যা মোক সেই মালাধাৰ
চকুৰ পানীৰ মুকুতাৰে গঁঠা ৷

জোন
মোৰ চোতালত ক'লা
আউঁসীৰ নাচোন
আহচোন দে অকণি
জোনাক বাকি
পোহৰক বুকুৰ ভিতৰ খন ৷

  - বিনয় ২৭ জুলাই ১৭

No comments:

Post a Comment

ক্লজড্ চাৰ্কিট কেমেৰা (গল্প) -বিনয় কৃষ্ণ তামুলী ফুকন      -কালি কেইবজাত অফিচলৈ গৈছিলা? -এঘাৰ বজাত। -মইতো তোমাক ন বজাতে ঘৰত এৰি গৈ...