Friday, 11 August 2017


চ'ৰধাৰ ম'ৰ, মৰ মৰ অখম বাসী

এইখন শংকৰ আজানৰ দেশ
এই খন বীৰ লাচিতৰ দেশ
বুৰঞ্জীৰ পাতত শুই
নিঃপালি দিয়া
অজস্ৰ শ্বহীদৰ দেশ

লাচিত, মূলা, কনকলতা
মুকুন্দ অথবা খৰ্গেশ্বৰ
সকলো শুই থাকে
পাহৰণিৰ ডায়েৰী পাতত
আহিলে নিৰ্বাচন
সাৰ পায়
ভোট প্ৰত্যাশীৰ
উদাৰ্ত ভাষণত ৷

শংকৰ- আজানে
একেখন চোতালত বহি
বৰগীত-জিকিৰ গায় ৷
বুৰঞ্জীৰৰ পাতৰ
অখ্যাত বিখ্যাত
সকলো সাৰ পায় ৷
পবিত্ৰ আত্মাৰ নাম লৈ
অপবিত্ৰ আত্মাবোৰ
ৰাজ সিংহাসনত বহিলোৱাৰ পাচত
আৰু কোনে পায়?

বৰাক হওক কিম্বা ব্ৰহ্মপুত্ৰ
দুয়ো উপত্যকাৰ জনতা
কেৱল ৰজা গঢ়াৰ হে যন্ত্ৰ ৷
আৰে
ভোট ভোট ভোট
নিৰ্বাচনৰ শেহত
বুৰঞ্জীৰৰ পাতৰ পৰা উঠি অহা শ্বহীদ
শংকৰ-আজান…
সকলো মৰি পুনু হয়
ভূত ৷

আমি উদাৰ অসমীয়া
পুনু বাট চাওঁ
শুনিব'লে সেই
গুৰু-গম্ভীৰ কণ্ঠ
আমি যে ৰজা গঢ়া
যন্ত্ৰ
"চ'ৰধাৰ ম'ৰ, মৰ মৰ  অখম বাসী ৰাইজ…"
বাঃ কি চমৎকাৰী মন্ত্ৰ ৷

     -বিনয় ১২ আগষ্ট ৷ ১৭

2 comments:

মোৰ ঠিকনা বিচাৰিছে তেওঁ। হেল্ল, শুনা, তোমাৰ ঠিকনাটো দিয়া। অলপ মৰম পঠাম। কুৰিয়াৰ চাৰ্ভিছত। -হুমম.. কোন? কোন বাৰু তুমি?! -অহঃ পাহৰিল...