Friday, 1 December 2017

বন্ধ বন্ধ খেলোঁ আহাঁ

এনেয়ে কিমান থাকিবা আৰু
খেলিব পৰা হ'লে বন্ধ বন্ধ এক গেইম ৷
জ্বলাব পৰা হ'লে টায়াৰ
ভাঙিব পৰা হ'লে গাড়ীৰ গ্লাচ
হাত খনো খজুৱাই আছে বহু দিন
লপা থ'পা দিব পৰা হ'সে বন্ধ নমনা কেইটাক ৷

চেঃ ইছ্যু এটাৰেই আকাল
ভঙা হ'লে ক'ৰবাত বুলড্ৰেজাৰে ঘৰ
বন্ধ দি সাজি দিলো হেতেন সিহঁতক বাৰ, চৌব্বিশ, পয়সত্তৰ কিম্বা এশ ঘন্টাত ৷

বঢ়া হ'লে সামগ্ৰীৰ দাম
দিব পাৰিলো হেতেন বন্ধকে এটা ৷
বন্ধৰ শেষত খাব পাৰিলো হেতেন মদে-ভাতে পাৰ্টি এটা ৷
চেঃ ওলোৱাই নাই বহু দিন ইছ্যু এটা ৷

আমি বৰ মতা
বুজোঁ গণতান্ত্ৰিকতা
কাৰোবাৰ চৌকাত জ্বলক
নজ্বলক জুই
তাত কি কথা?
মৰক ৰোগী নৌ পাওঁতেই গৈ
হস্পিটাল
মৰিলেইচোন শেষ সংসাৰৰ য'ত জঞ্জাল ৷
থেলাৱালা, ৰিক্সা ৱালাৰ নুঘূৰক চকা
আমাৰতো নহয় আহুকাল ৷
দেউতাৰ ভঁৰালত ধন ধানৰ কিহৰ আকাল?

পচি যাওত পাচলি বেপাৰীৰ শাক
গেলক মাছ
শুদা হাতে ওভতক দিন হাজিৰে  পেট পোহা
নদাই -ভদাই
সিহঁতৰ কথাটো আৰু ভাবি লাভ নাই ৷

আমি নেতা
আছে আমাৰ সংগঠন
এদিন কৰিম ৰাজনীতিলৈ গমন
আমাৰ বিৰুদ্ধেও বন্ধ দিব কোনোবাই
তেতিয়াও আমাৰ চিন্তা নাই
গুছি যাম ৰঙা লাইট ঘূৰাই ঘূৰাই ৷

চেঃ বহু দিন বন্ধ দিব পৰা নাই
আহাঁ ইছ্যু নোহোৱাৰ প্ৰতিবাদতে
বন্ধ এটা দি
এক গেম
বন্ধ বন্ধ খেলোঁ ভাই ৷

২৯ নৱেম্বৰ ১৭

No comments:

Post a Comment

অ-সম মোৰ  "আচাম" দেশ ওখোৰা-মোখোৰা নহয় কেৱল কোনো দেশ সমকক্ষ নহয় মোৰ দেশৰ স'তে ৷ ঐস্বৰ্য্য-বিভূতি না-না জাতি অনেক ধৰ্ম ...