Wednesday, 24 January 2018

প্ৰেমৰ কথা

জপাই থোৱা খিৰিকি খন
কোনে আঁজুৰি খুলিলে বুকুৰ
কোনে মাৰিলে হি বিজুলী এচাটি চকুৰ ?
চালৰ ফুটাৰে উৰুখনি পৰিছে প্ৰেমৰ
অদেখা দৃষ্টিও হ'ব পাৰে ইমান কৰুণ ৷

উদ্বাস্ত মনৰ ঠিকনা বিচাৰি ক'ৰ ডাকোৱাল
তাৰ হাতত প্ৰেমৰ চিঠি এগাল
বিচাৰি নাপায় ঠিকনা
অঘৰী প্ৰেমিকৰ  ঠিকনা বিচৰা
কি যে পয়মাল ৷

সৰিয়হৰ পথাৰ ডৰাৰ সিপাৰেই তাৰ ঘৰ
হালধীয়া পকা পাতৰ চিঠিত
প্ৰেমৰ আখৰ
স্মৃতি কেতিয়াবা চফলা নৈ
কেতিয়াবা বনজুই
পুৰি ছাঁই কৰে প্ৰেমৰ ঘৰ
ঠিকনা বিহীন হয় প্ৰেমিক হৃদয়
ঠিকনা বিচৰা ডাকোৱালটোৰ ওভোটনি খোজত বৰ খৰ ধৰ ৷

যৌনৱৰ সেউজীয়া ডাক বাকচটোত
মামৰে ধৰিছে
কলিজাৰ চাপ থকা চিঠিবোৰৰ স্মৃতিয়ে
তাক  আমনি কৰিছে
পৌঢ় বাকচটোৰ গাত
সেউজীয়া শেলুৱৈ এসোপা গজিছে ৷
-বিকৃতাফু ২৪ জানুৱাৰী ১৮

No comments:

Post a Comment

মৰা মানুহৰ দেশ বুৰঞ্জীৰ পাতত ডুৱ যাব ধৰা এখন দেশ ৷ ইতিহাস হ'ব খোজা এটা জাতি এৰি দি মাটি এৰি দি ভেটি এৰি দি পুলিন -পুথাওৰ সমাধি ...