Monday, 22 January 2018



লুণীয়া ঢল


কাৰণৰ কথা নুসুধিবা ৷

কাৰণ অথবা অকাৰণ

আনন্দ অথবা বিষাদ নুবুলিবা
যিকোনো কাৰণত
অকাৰণত
বৈ আহিব পাৰে
লুণীয়া পানীৰ নিজৰা
ভাঙি চিঙি লৈ যাব পাৰে
বুকুৰ ভেটা
পেলাই থৈ যাব পাৰে
বৰফুটীয়া বালি -
সপোনৰ সম্ভাৱনাময় পথাৰত ৷
আবেগ নুবুলিবা
কা-পুৰুষ নুবুলিবা
ই যে জন্মজ ৷
কান্দোনৰ শিঙা ফুঁকিয়েইতো
আৰম্ভ কৰিছিলো জীৱনৰ যুদ্ধ ৷
জীনিলো আইৰ মন
সেয়ে কান্দোনেই মূল ধন


মলিয়ন হৃদয় খন

পখালিবলৈ

দুখৰ শেলুৱৈ অথবা বিহমেটেকাবোৰ উটুৱাই নিবলৈ

আহক দিয়া

লুণীয়া ঢল ৷


- বিনয় ১১ জানুৱাৰী ১৮

No comments:

Post a Comment

প্ৰিমিয়াৰ শ্বো

সৰু গল্প প্ৰিমিয়াৰ শ্বো "তুমি আহিব নালাগে অৰ্ণৱ। মই এই শুভ মূহুৰ্তটোত তোমাক চাব নোখোজোঁ। শুভ কামটোত তুমি বিধি পথালি নিদিবা।"...