Thursday, 3 May 2018



মৰা মানুহৰ দেশ




বুৰঞ্জীৰ পাতত ডুৱ যাব ধৰা

এখন দেশ ৷

ইতিহাস হ'ব খোজা এটা জাতি

এৰি দি মাটি

এৰি দি ভেটি

এৰি দি পুলিন -পুথাওৰ সমাধি

অথবা ৰংগভূমি

মাৰিছে দীঘল হামি

এক অনন্ত শয়নৰ প্ৰস্তুতিত ৷

কণ্ঠ ৰূদ্ধ প্ৰতিবাদৰ

মৰা শৰ দৰে নিৰুদ্দেগ

এখন মৰা মানুহৰ দেশ ৷




যাওক দেশ

যাওক মাটি

যাওক ভেটি

সাত পাতালৰ

অতলত পৰি ৰওক জাতি

কাৰ কি ক্ষতি ?




ঘটিব লাগে ধন

গোটাব লাগে মান

বনাব লাগে সন্তান

গঢ়িব লাগে ঐশ্বৰ্য্যৰ পাহাৰ

লাগিলে সেই পাহাৰ তলত

পোত যাওক

সাতামপুৰুষীয়া গৰ্ব

স্বদেশ- স্বজাতিৰ অহংকাৰ ৷




এখন মৰা মানুহৰ দেশ

পিন্ধি প্ৰগতিৰ ভেশ

গাই গোটে পেটে ভঁৰাল

সাজি যায় অহৰ্নিশ

এখন মৰা মানুহৰ দেশ

শ শ প্ৰজা শ হৈ নতশিৰ

নোহে , নোপজে আৰু বীৰ

আত্মকেন্দ্ৰিকতাৰ

তপত মৰুৱে গ্ৰাস কৰি আনে ক্ৰমে

এখন নিলাজ মানুহৰ দেশ ৷

No comments:

Post a Comment

প্ৰিমিয়াৰ শ্বো

সৰু গল্প প্ৰিমিয়াৰ শ্বো "তুমি আহিব নালাগে অৰ্ণৱ। মই এই শুভ মূহুৰ্তটোত তোমাক চাব নোখোজোঁ। শুভ কামটোত তুমি বিধি পথালি নিদিবা।"...